龙年沪语祝福语征集成果（更新至1月11日上午10点）

龙年沪语祝福语征集成果（更新至1月11日上午10点） 1、壬辰龙年到，祝大家爷娘身体茄，铜钿银子赚来邪，福气运气财气旺 2、口罩： 各位文汇网搭沪语网个朋友大家好！我是口罩，龙年要到快了，我勒此地帮大家拜个早年！祝大家新年快乐！身体健康！美满幸福!心想事成！ 3、高孝峰： 如果侬爱上海请从讲上海闲话做起，我是高孝峰，衷心祝愿沪语网个网友们新春愉快！笑口常开！身体健康！长命百岁！龙年吉祥！天天发财！让我伲一淘来保护上海言话！ 4、再过半个号头就是春节了，我祝大家勒勒新个一年里向钞票越来越多！卖相越长约好!日脚越过越开心!上海言话约讲越灵光! 5、手机尾号1828： 龙年到,新春气象!十八大,乘风破浪!神舟号,满载梦想!奥运会,再创辉煌!愿中华,繁荣富强!祝福您,福寿安康! 6、手机尾号9434： 2012年吓煞人,地球末日要来临;搿条迷信呒没根据,相信科学是硬道理;东方有条中国龙,2012年要腾飞;七十亿人眼晴盯牢伊,全球经济全靠伊！ 7、言午40: (对第6条的评论) （吓煞=吓死）人（搿=这）条迷信（呒没=没有）盯牢（伊=他）（跟牢=跟着）文汇网。拿上海闲话（个=的）正字写起来。每个汉字（侪=都、全部）有上海闲话个读音，正字一共也呒没几个，别个侪（搭=和）普通话一样写法，会讲个人一学就会。搿趟文汇网征集个就是用上海闲话正字来写祝福语 8、单小作： 唔哟我桑班闲来无事编好一条：摇啊摇，外白渡桥各就到。窥一窥，外滩风景交关好。笑一笑，东方明珠好拍照。望一望，金茂大厦老老高。淘一淘，上海到处才是宝。龙年到，跳一跳，祝大家新年芝麻开花节节高，微博高头多冒泡！ 9、城南少湖： 旧年甩脱烦心事体，新年过好开心日脚，让吾伲（阿拉）一道来保护搭仔传承上海闲话。 10、沪语网 跟牢文汇网。拿上海闲话个正字写起来，正音读起来。每一个汉字侪有上海闲话个读音，说明每一句上海话侪可以用汉字写下来。识正字，读正音，振兴上海话 11、卷毛的外公: “炮场”响，龙年到，有眼事体要记牢。看望长辈问声好，长命百岁顶重要。假使小辈来拜年，红袋袋里装钞票。邻舍隔壁串串门，恭喜发财有礼貌。亲戚朋友多走动，龙年和睦交关好。新年里厢有应酬，烟酒勿要太豁上。白相勿忘休息好，龙头康健龙年笑！ 龙年到，新年好，小八腊子哈哈笑。 穿新衣，戴新帽，弄堂里厢放鞭炮。 大年初一忙拜年，红包奈了勿勿少。 看灯展，逛庙会，还要白相城隍庙。 初四夜里接财神，炮场响了一通宵。 正月十五闹元宵，奈末春节算过好。 龙年健康顶重要，恭喜恭喜大家好 12、小痴LY： 今朝礼拜一，咸肉百叶结，今朝礼拜两，大白兔奶糖，今朝礼拜三，猪油八宝饭，今朝礼拜四，花生香瓜子，今朝礼拜五，荠菜大馄饨，今朝礼拜六，水笋红烧肉，今朝礼拜天，大家来拜年！（这个版本全部都是吃的东西） 今朝礼拜一，外头落大雪，今朝礼拜两，出去买炮仗，今朝礼拜三，要穿滑雪衫，今朝礼拜四，老爹胡辣子，今朝礼拜五，养条金金恩，今朝礼拜六，混堂汏把浴，今朝礼拜天，大家来拜年！（这个版本全部是过年前可以做的事情） 龙年沪语祝福语征集活动>>> http://comment.whb.cn/redian/view/16082