LoveBoat玩色誘

青春應該是燦爛的，更應該是色彩繽紛的，日系品牌Love Boat以「色」誘人，活潑之中透露出隱約的浪漫性感，輕易俘虜梁雨恩一顆愛靚的少女心。 於08春夏始登陸香港時裝界的Love Boat，在日本早已享負盛名，是不少香港女生旅日朝聖之選。以涉谷系辣妹形象示人的Love Boat登陸香港，今季以「色」誘人，無論潮Tee、大熱迷你裙和連身裙均以繽紛色彩示人，極合梁雨恩愛色彩之心，她說：「我覺得彩色衫會令到個人心情變好，有時情緒唔多好，番件彩色衫即刻會開心好多。同埋Love Boat衫好香港女仔，始終日本人同我身形相近，衫都差唔多，比起歐美品牌更加容易。」 帶寵物逛街 今個夏天，除了一身繽紛顏色的打扮外，梁雨恩更會注重更多細節的襯托，她說：「我想曬成健康膚色，襯彩色衫更型，而今季一好得意飾物我都有興趣試，例如彩色頭繩會令一套簡單衫更有睇頭，同埋立體動物掛飾，感覺好似帶寵物出街咁。另外再襯番個顏色鮮艷手袋同涼鞋，成個夏天都輕鬆又愉快。」