陶大宇曾華倩享受獨身樂
曾華倩和陶大宇是無綫同期訓練班同學，早前在商天娥的婚宴上重遇，展開講不完的話題，當中華倩滔滔不絕的「獨身論」大宇全程和應，而大宇面對老同學，坦承當年演藝生涯由「瀨嘢」到後悔，幸最後都遇上伯樂，成就多套經典劇集，不致枉費青春！
曾華倩與陶大宇是無綫同期訓練班同學，大家一起話當年。
「小蛇女」
曾：曾華倩 陶：陶大宇
曾：好鍾意叫你個名……大宇！其實你覺得喺訓練班時自己靚唔靚仔？我同君如都鍾意mark你排戲。
陶：係咩？我記得我拍劉嘉玲多，至於個樣……我覺得自己嗰時靚仔啲，依家就唔得，嗰時個個都靚啦，你都靚女架！
曾：咁……老實？依家你係帶點成熟味道，以前又嫩口得滯！咁我覺得依家好啲！（擺出滿意樣）
同班同學
回到o靚妹時
陶：你嗰時好啲（即係話依家唔靚），哈哈，講笑啫，依家係有味道！因為人大咗，尤其是做演員，要經歷過先有味道，娥姐結婚擺酒，見到青雲，大家又會講：「你o靚仔時係咁架……」見到嘉玲，即刻彈晒以前啲畫面出嚟，又話佢：「你o靚妹嗰時係咁……」
曾：咁我呢，喺你心目中又係點？
陶：導師係用蛇嚟形容你！你行路「雪雪雪……」好得意！你又o靚妹呢。
曾：即係點？幼稚？你小心啲講喎！
陶：又唔係幼稚，點講呢？真係要好小心講，有少少千金小姐feel，總之係唔好得罪嗰隻……
少年十五二十時陶大宇
「瀨嘢年代」
曾：訓練班出嚟發展又點呢？你都拍過唔少經典劇？
陶：起初渾渾噩噩都唔知自己做乜架，第一套拍《生銹橋王》，叫做有個角色，但我表現麻麻，當年細路仔唔專心，有機會又唔珍惜，後來先知道「瀨嘢」，之後十年八年都冇表現，出嚟嘅嘢一塌胡塗，事業停滯不前。
曾：上製作部行個圈博個機會都好吖？
扭計扭出禍
陶：雖然我好後悔，但礙於性格問題，我又唔會搵監製傾博出路，所以咪一路等一路反省，直至我遇到「伯樂」鄧特希，拍咗佢一連五輯《壹號皇庭》，之後又拍咗幾輯《刑事偵緝檔案》，事業叫做有啲轉機，但我又扭計加人工，學啲師兄跳「草裙舞」，卒之外闖，點知又「瀨嘢」，哈哈……
曾：命運就係咁，你又咁樣諗，不過，可能要你遇過呢種情況，先會更加珍惜之後嘅嘢！
陶：性格改變命運啦，出咗去我簽咗王晶，又畀我拍咗套《縱橫四海》，當年喺亞視播都叫好叫座，又有機會同嘉玲合作拍咗套《影城大亨》，大家足足對咗九個月，都好開心，因為我哋自訓練班出嚟後，當年先係第一次合作。
曾華倩直言其母對大宇這位「師奶殺手」，鍾意到嘔！
「經典‧老模」
曾：睇番訓練班歷史，我哋個個都有番咁上下成績。
陶：睇番轉頭我都拍咗好多深入民心嘅經典劇，好似《壹號皇庭》、《刑事偵緝檔案》同《縱橫四海》，真係好難得，因為唔係一部，係幾部，都算係咁。
曾：如果畀你揀邊套劇你覺得最經典？
陶：《刑事》啦！一連拍咗幾輯，當年真係好辛苦。
曾：部劇仲為你贏得「師奶殺手」稱號，我阿媽當年鍾意到你嘔呀！哈哈……
曾：你點睇時下嘅新人？以前我哋女仔出嚟嘅渠道唔多，依家就話有《超級巨聲》、選美呀、o靚模呀咁。
陶：咁你哋咪變咗封「利是」！（俗稱利是為老毛）老模（毛）呀！
曾：咩嘢老模呀！
陶：哈哈……所以我咪話「利是」算囉！哈哈……
曾：o靚模中我幾鍾意Angelababy。
陶：呢啲已經唔係我杯茶嘞，我都就嚟五十歲。
「同聲又同氣」
曾：又睇唔出喎，我以為你一早五十（歲）咗，哈哈……雖然五十（歲）啫，你係咁意都講吓你嘅感情狀況。
陶：隨緣啦……開心咪得囉！
曾：呢樣嘢我又好信你講喎，因為我都係單身，我真係好隨緣啦，我一啲都唔覺lonely，太享受自己呢刻嘅自由，太鍾意呢個階段。其實，我成日諗，人一定要結婚嘅咩？依家我好鍾意自我天地，有啲朋友都曾經擔心我，成日約我出去飲嘢、食飯，怕我悶喎！我不知幾鍾意將自己關喺屋企，做想做嘅嘢，唔好煩我添呀，講真，我一個人都得架，自由度大嘛。
要孝順媽媽
陶：我都好贊同，但又咁講，朋友問候，當然多謝關心啦，有時緣分嚟冇得講，老土講句，有當然恭喜，冇咪冇囉，一個人都可以享受自由嘅樂趣！
曾：新一年你有咩願望？我都知你好孝順阿媽，以前訓練班你出名孝順。
陶：依家我嘅願望，係想媽媽身體健康啦，老人家啲病開始嚟，今次婚姻失敗，反而多咗時間陪阿媽，呢幾年我定時會搵阿媽飲茶，以前？三個月先見一次，以前忽略咗，希望依家補番。
陶大宇扮鬥雞眼，令華倩笑爆嘴。
扮鬥雞眼阿Sir
華倩和大宇同認為當年訓練班很多嘢學，又齊齊取笑教功夫的「鬥雞眼」阿Sir。華倩對教功夫的李家鼎又敬又畏，笑指幸好不是鼎爺做導師，否則個個癱晒！她更邊忍笑邊提及一位忘了名字、矮矮哋的阿Sir，大宇即說：「哦，嗰個阿Sir鬥雞眼嘅，佢打功夫時，出拳我哋都驚佢打錯隔籬，阿Sir有時出直拳，企隔籬嘅同學就問：『你會唔會打咗落我度o架？你係望我定望佢架？』」大宇更鬼馬的即席扮鬥雞眼Sir出拳，笑到華倩腰都彎。
「九男女」
陶：當年阿sir日日教戲都係攞發哥、嘟姐（周潤發、鄭裕玲）做教材，嗰個年代最紅佢兩個，我哋好似洗晒腦。
曾：嗰時我哋分日班、夜班，全部夾埋都有四十人，但最後簽咗九男九女。
陶：所以我哋咪俗稱「九男女」囉！
曾：女仔你覺邊個最得？
陶：嘉玲啦！
曾：嘩，你好似情有獨鍾佢喎？你特別鍾意嘉玲，都唔放我哋在眼內，當君如冇到？（醋意大發）
陶：我係有個假象啫，因為嗰時教跳舞嘅老師張亨利，佢一定叫嘉玲出嚟示範，乜都有佢架，咪覺得佢得囉。
曾：其實你覺得當時邊個會彈出？
陶：邊個彈就唔知，但我估自己會簽到，因為自己考試成績都幾好，對自己有信心！
劉青雲、陶大宇
陶大宇、劉嘉玲
 |
曾華倩與陶大宇是無綫同期訓練班同學，大家一起話當年。
「小蛇女」
曾：曾華倩 陶：陶大宇
曾：好鍾意叫你個名……大宇！其實你覺得喺訓練班時自己靚唔靚仔？我同君如都鍾意mark你排戲。
陶：係咩？我記得我拍劉嘉玲多，至於個樣……我覺得自己嗰時靚仔啲，依家就唔得，嗰時個個都靚啦，你都靚女架！
曾：咁……老實？依家你係帶點成熟味道，以前又嫩口得滯！咁我覺得依家好啲！（擺出滿意樣）
 |
同班同學
回到o靚妹時
陶：你嗰時好啲（即係話依家唔靚），哈哈，講笑啫，依家係有味道！因為人大咗，尤其是做演員，要經歷過先有味道，娥姐結婚擺酒，見到青雲，大家又會講：「你o靚仔時係咁架……」見到嘉玲，即刻彈晒以前啲畫面出嚟，又話佢：「你o靚妹嗰時係咁……」
曾：咁我呢，喺你心目中又係點？
陶：導師係用蛇嚟形容你！你行路「雪雪雪……」好得意！你又o靚妹呢。
曾：即係點？幼稚？你小心啲講喎！
陶：又唔係幼稚，點講呢？真係要好小心講，有少少千金小姐feel，總之係唔好得罪嗰隻……
 |
少年十五二十時陶大宇
「瀨嘢年代」
曾：訓練班出嚟發展又點呢？你都拍過唔少經典劇？
陶：起初渾渾噩噩都唔知自己做乜架，第一套拍《生銹橋王》，叫做有個角色，但我表現麻麻，當年細路仔唔專心，有機會又唔珍惜，後來先知道「瀨嘢」，之後十年八年都冇表現，出嚟嘅嘢一塌胡塗，事業停滯不前。
曾：上製作部行個圈博個機會都好吖？
扭計扭出禍
陶：雖然我好後悔，但礙於性格問題，我又唔會搵監製傾博出路，所以咪一路等一路反省，直至我遇到「伯樂」鄧特希，拍咗佢一連五輯《壹號皇庭》，之後又拍咗幾輯《刑事偵緝檔案》，事業叫做有啲轉機，但我又扭計加人工，學啲師兄跳「草裙舞」，卒之外闖，點知又「瀨嘢」，哈哈……
曾：命運就係咁，你又咁樣諗，不過，可能要你遇過呢種情況，先會更加珍惜之後嘅嘢！
陶：性格改變命運啦，出咗去我簽咗王晶，又畀我拍咗套《縱橫四海》，當年喺亞視播都叫好叫座，又有機會同嘉玲合作拍咗套《影城大亨》，大家足足對咗九個月，都好開心，因為我哋自訓練班出嚟後，當年先係第一次合作。
 |
曾華倩直言其母對大宇這位「師奶殺手」，鍾意到嘔！
「經典‧老模」
曾：睇番訓練班歷史，我哋個個都有番咁上下成績。
陶：睇番轉頭我都拍咗好多深入民心嘅經典劇，好似《壹號皇庭》、《刑事偵緝檔案》同《縱橫四海》，真係好難得，因為唔係一部，係幾部，都算係咁。
曾：如果畀你揀邊套劇你覺得最經典？
陶：《刑事》啦！一連拍咗幾輯，當年真係好辛苦。
曾：部劇仲為你贏得「師奶殺手」稱號，我阿媽當年鍾意到你嘔呀！哈哈……
曾：你點睇時下嘅新人？以前我哋女仔出嚟嘅渠道唔多，依家就話有《超級巨聲》、選美呀、o靚模呀咁。
陶：咁你哋咪變咗封「利是」！（俗稱利是為老毛）老模（毛）呀！
曾：咩嘢老模呀！
陶：哈哈……所以我咪話「利是」算囉！哈哈……
曾：o靚模中我幾鍾意Angelababy。
陶：呢啲已經唔係我杯茶嘞，我都就嚟五十歲。
「同聲又同氣」
曾：又睇唔出喎，我以為你一早五十（歲）咗，哈哈……雖然五十（歲）啫，你係咁意都講吓你嘅感情狀況。
陶：隨緣啦……開心咪得囉！
曾：呢樣嘢我又好信你講喎，因為我都係單身，我真係好隨緣啦，我一啲都唔覺lonely，太享受自己呢刻嘅自由，太鍾意呢個階段。其實，我成日諗，人一定要結婚嘅咩？依家我好鍾意自我天地，有啲朋友都曾經擔心我，成日約我出去飲嘢、食飯，怕我悶喎！我不知幾鍾意將自己關喺屋企，做想做嘅嘢，唔好煩我添呀，講真，我一個人都得架，自由度大嘛。
要孝順媽媽
陶：我都好贊同，但又咁講，朋友問候，當然多謝關心啦，有時緣分嚟冇得講，老土講句，有當然恭喜，冇咪冇囉，一個人都可以享受自由嘅樂趣！
曾：新一年你有咩願望？我都知你好孝順阿媽，以前訓練班你出名孝順。
陶：依家我嘅願望，係想媽媽身體健康啦，老人家啲病開始嚟，今次婚姻失敗，反而多咗時間陪阿媽，呢幾年我定時會搵阿媽飲茶，以前？三個月先見一次，以前忽略咗，希望依家補番。
 |
陶大宇扮鬥雞眼，令華倩笑爆嘴。
扮鬥雞眼阿Sir
華倩和大宇同認為當年訓練班很多嘢學，又齊齊取笑教功夫的「鬥雞眼」阿Sir。華倩對教功夫的李家鼎又敬又畏，笑指幸好不是鼎爺做導師，否則個個癱晒！她更邊忍笑邊提及一位忘了名字、矮矮哋的阿Sir，大宇即說：「哦，嗰個阿Sir鬥雞眼嘅，佢打功夫時，出拳我哋都驚佢打錯隔籬，阿Sir有時出直拳，企隔籬嘅同學就問：『你會唔會打咗落我度o架？你係望我定望佢架？』」大宇更鬼馬的即席扮鬥雞眼Sir出拳，笑到華倩腰都彎。
「九男女」
陶：當年阿sir日日教戲都係攞發哥、嘟姐（周潤發、鄭裕玲）做教材，嗰個年代最紅佢兩個，我哋好似洗晒腦。
曾：嗰時我哋分日班、夜班，全部夾埋都有四十人，但最後簽咗九男九女。
陶：所以我哋咪俗稱「九男女」囉！
曾：女仔你覺邊個最得？
陶：嘉玲啦！
曾：嘩，你好似情有獨鍾佢喎？你特別鍾意嘉玲，都唔放我哋在眼內，當君如冇到？（醋意大發）
陶：我係有個假象啫，因為嗰時教跳舞嘅老師張亨利，佢一定叫嘉玲出嚟示範，乜都有佢架，咪覺得佢得囉。
曾：其實你覺得當時邊個會彈出？
陶：邊個彈就唔知，但我估自己會簽到，因為自己考試成績都幾好，對自己有信心！
 |
劉青雲、陶大宇
 |
陶大宇、劉嘉玲
