(更改過) 老土怪-粵語

我係個老土怪, 當個FRIAND聽我講話上咗微博, 都鬼喊驚咁話你都上微博? 咁我乜料啊……
    上身著暗紅色格仔恤衫, 十幾年老母買嘅, 下身洗到黃甘甘的白色西褲, 褲頭33, 個時我瘦D, 18年前啊, 當然又係老母買, 依架著仲短咗D, 變吊腳褲, 被潮人見到以為我玩復古.
    底褲見唔到, 所以爛咗D咪補下佢, 點解唔買新嘅? 新嘅邊有咁舒服? 您話OUT唔OUT? 底衫冬天係長袖, 有領, 又係短咗一截; 夏天背心, 有汗加著的多, 有墨點又黃又爛, 又係補下算啰.
    咁我仲有幾條爛到媽都唔認得嘅牛仔褲, 之但係咁, 著出街個X個都同話, 咁有型嘅?! 即刻信心爆嗮棚, 同木村一樣做牛仔褲代言即話咁易.
鞋我講究架, 三間嗰只, 你知邊間, 不過著太耐, 爛爛地, 姐夫都有送, 咪又係同等收場, 落雨驚濕, 我有風濕啊嗎, 改著對安全鞋, 底夠厚, 面夠實, 著四圍睇戲好方便.
屋企無全身鏡, 著到鬼五馬六自己睇唔出, sha哩弄舂, 出街成日被人眼超超, 心惗自己太靚仔得劑.
不遛都無發乳. 頭油(賭神嗰只). 定型水. 啫喱. 慕斯嗰D嘢, 朝早頭發翹起咪好似死娘爆細路咁用水按低啰, 行出去有鬼人知咩(自己呃自己).
成日背的袋又成日被人問個袋咁爛嘅, 少少啫, 唔使成日啄著我嘅…..咁我要看書又看報又看雜(志), 水瓶飲水(有腎結石小心D), 把遮擋雨遮風, 指甲鉗剪指甲, 係地鐵剪咪話唔爽(被人登報紙鬧嗰個唔係我…應該唔係…邊有咁揚?), 仲有喉糖下刪幾百字無謂數, 之所以咁大個袋係哽嘅.
數埋都勁老土, 仲未數屋企無沙發(同人纏綿無行), 無雪柜(齊煲碟兩飲管飲一杯冰幾疏肝), 無微波爐(齊叮垃圾食又無行), 無冷氣機(大熱天兩個人係床桑拿即係熱火焚身!), 無熱水器(鴛鴦戲水只能係夏天先玩)……
最後問答時間, 姐夫大聲話, 現在哪個家里沒電腦? 我好想舉手話我無, 未得住, 反問番佢知我係邊度上電腦算你贏! 無50/50, 無得打手機, 我嘅係8810, 只可問朋友.
咁掂喔, 她不係屋企打機, 凈打手機, 食飯嗰時我仲吃到佢影咗照嘅, 說骨痹說話, 仲有個用手機講, 睡啦, 仲有個隨時醒(覆微博), 地震海嘯什麼的有人救我……