消失中的閩南文化--《惠安傳統服飾》
福建泉州惠安毋乃出名石雕，猶出名惠安女！障會安爾說？因為亻因的服飾。“封建頭，民主肚，節約衫，浪費褲！花頭巾、戴頭笠，銀腰鏈，亮佫粗！”惠安查某的形象深入人心。毋久，有儂知惠安丈夫儂的服飾是啥款的毋？
昨日狗綴屁，去惠東買蔡先畫展欲用的囝仔衫褲。看懷衫褲誠心適，想著頂日姊妹伴說欲規括穿種個衫去參加畫展，偂加喙問顧店的惠安阿姨則知一二。
紅漆眠床架掛一領對襟衫。徛領一寸半懸，衫的頂半截是深藍色，下半截是白底藍色幼條粗布，圓裾的。領口兩粒敽頂半截相同色致的盤鈕，續落去每間隔兩寸額就有四粒盤鈕。後片是純烏，比前片加較長。內衫是比外衫佫較長的純烏對襟衫。看即領衫敽現時惠安女穿的無相同，賤喙問了則知即領是古早婦人儂的衫。
床鋪頂猶有一領咖啡色的斜裾衫，是顧店阿姨後生時陣穿的。伊說即領有三十外年囉。用頭白布（後來的儂也有叫袋仔布，抑是零頭碎布）做的，則家已用紅樹林的樹汁染的。若是較褪色歹看，有的儂會佫再染一遍，就佫若新的爾爾。伊說較早無捌色的布，也無綢布，計嘛用頭白布安爾做了則家已染色的。我將圓裾角翻開，下poo5用針線thinn7的烏線猶誠粗勇。我笑笑說我想欲挃即領，阿姨說：無囉。欲留咧做紀念的。毋賣哦！
床鋪頂猶舒一領烏綢的衫。阿姨說即領是伊結婚時陣穿的，也是惠安婚嫁的傳統衫。佇手腕頭有欲三寸的花邊。誠有局的是我發現即領衫兩頭開裾的內裏所在計有縫一塊蘋果綠的花仔布。阿姨說海風吹來，衫角反起來則好看。惠安女早時敽清朝的查某相同款，佇胳下朧有pin2手巾仔的。落尾，手巾仔無用，為著好看就變做兩寸闊的色布，頂頭繡花，thinn7咧衫裾裏。顧店阿姨說傳統的結婚頭巾是藍底白圓點的。用烏羊毛纏鐵箍弓頭巾戴咧頭殼頂。
惠安傳統的褲無管是平時抑是婚嫁攏計是烏褲。褲敽阮老引嬤生前穿的大叉褲相同。衫頭有蔥管，是一節一寸闊的藍布。昨日野有局，我佫拄著一個較老淡薄的惠安阿姨，我問伊古早的惠安儂寒儂穿啥啊？伊笑仔，說：嘛還是穿即兩領爾！（花仔短腕內衫+長腕外衫，計是單層）袂寒死啊？慣勢囉！褲呢？嘛是乃即領烏褲爾！鞋呢？褪赤骹啊！若有，就是夾拖！阮厝八個儂，一雙夾拖穿三年！哇！障穿啊？暗欲困的時陣，洗骹了穿行去鋪頂，則佫換另一個洗骹穿啊！！！恁丈夫（ta-poo）古早穿啥啊？嘛是大叉褲！衫呢？敽查某相同，也是斜裾的衫！啊！？古早時丈夫（ta-poo）著拖網，穿直裾的盤鈕會乞纏著網！際自動的，免拖網啰，計嘛穿敽恁城內仝款啰！
倒來的路頂我烏白枋想著一項代志！平時褪赤骹、穿夾拖，毋久結婚的時陣呢？攏無結婚的時陣也無穿鞋哦？看勢，蔡先畫展迄日，惠安阿姨若來，我著會記問伊！
昨日狗綴屁，去惠東買蔡先畫展欲用的囝仔衫褲。看懷衫褲誠心適，想著頂日姊妹伴說欲規括穿種個衫去參加畫展，偂加喙問顧店的惠安阿姨則知一二。
紅漆眠床架掛一領對襟衫。徛領一寸半懸，衫的頂半截是深藍色，下半截是白底藍色幼條粗布，圓裾的。領口兩粒敽頂半截相同色致的盤鈕，續落去每間隔兩寸額就有四粒盤鈕。後片是純烏，比前片加較長。內衫是比外衫佫較長的純烏對襟衫。看即領衫敽現時惠安女穿的無相同，賤喙問了則知即領是古早婦人儂的衫。
床鋪頂猶有一領咖啡色的斜裾衫，是顧店阿姨後生時陣穿的。伊說即領有三十外年囉。用頭白布（後來的儂也有叫袋仔布，抑是零頭碎布）做的，則家已用紅樹林的樹汁染的。若是較褪色歹看，有的儂會佫再染一遍，就佫若新的爾爾。伊說較早無捌色的布，也無綢布，計嘛用頭白布安爾做了則家已染色的。我將圓裾角翻開，下poo5用針線thinn7的烏線猶誠粗勇。我笑笑說我想欲挃即領，阿姨說：無囉。欲留咧做紀念的。毋賣哦！
床鋪頂猶舒一領烏綢的衫。阿姨說即領是伊結婚時陣穿的，也是惠安婚嫁的傳統衫。佇手腕頭有欲三寸的花邊。誠有局的是我發現即領衫兩頭開裾的內裏所在計有縫一塊蘋果綠的花仔布。阿姨說海風吹來，衫角反起來則好看。惠安女早時敽清朝的查某相同款，佇胳下朧有pin2手巾仔的。落尾，手巾仔無用，為著好看就變做兩寸闊的色布，頂頭繡花，thinn7咧衫裾裏。顧店阿姨說傳統的結婚頭巾是藍底白圓點的。用烏羊毛纏鐵箍弓頭巾戴咧頭殼頂。
惠安傳統的褲無管是平時抑是婚嫁攏計是烏褲。褲敽阮老引嬤生前穿的大叉褲相同。衫頭有蔥管，是一節一寸闊的藍布。昨日野有局，我佫拄著一個較老淡薄的惠安阿姨，我問伊古早的惠安儂寒儂穿啥啊？伊笑仔，說：嘛還是穿即兩領爾！（花仔短腕內衫+長腕外衫，計是單層）袂寒死啊？慣勢囉！褲呢？嘛是乃即領烏褲爾！鞋呢？褪赤骹啊！若有，就是夾拖！阮厝八個儂，一雙夾拖穿三年！哇！障穿啊？暗欲困的時陣，洗骹了穿行去鋪頂，則佫換另一個洗骹穿啊！！！恁丈夫（ta-poo）古早穿啥啊？嘛是大叉褲！衫呢？敽查某相同，也是斜裾的衫！啊！？古早時丈夫（ta-poo）著拖網，穿直裾的盤鈕會乞纏著網！際自動的，免拖網啰，計嘛穿敽恁城內仝款啰！
倒來的路頂我烏白枋想著一項代志！平時褪赤骹、穿夾拖，毋久結婚的時陣呢？攏無結婚的時陣也無穿鞋哦？看勢，蔡先畫展迄日，惠安阿姨若來，我著會記問伊！
