不要在四零后文青面前秀SIFF票根

笔记存档，不写会忘。

四外公是外婆的第四个弟弟，由于以前做过俄语老师，在家里的绰号是“教书娘舅”，“书”和“四”在沪语中谐音。去毛国的时候发朋友圈，他一眼就能认出莱蒙托夫雕像。

电影

“侬晓得伐，我老早一放学就冲出去看电影。身体不好，弗好多运动。反正电影看弗光。”

下半日要是两节课就三点十分放学，三节课是四点零五分放学，电影四点多开场，正正好好。

当辰光屋里厢周围电影院两只手阿不够数：大光明、沪光、新华、平安、浙江、美琪、大上海、中苏友谊馆、音乐厅、平安、九星大戏院、儿童艺术剧场……像国泰有点远，弗大来。

电影院分一二三类。最新的戏在一类影院放，票价最贵，三角或三角五分——阿拉屋里厢么，三角五分是小钞票，不在乎的。学生票可以打七折为二角一分。电影票当中划一刀，电影院保留一半好对账。三类电影里最便宜的是一角五分，更加是毛毛雨。（嚯！作为屌丝第三代瑟瑟发抖）

中苏友谊馆平日里放普通电影，到了礼拜天上半日就放苏联原版片，我印象最深的是《带阁楼的房子》搭《白夜》。

带阁楼的房子 (1961)

暂无评分

1961 / 苏联 / 剧情 爱情 / Yakov Bazelyan / Sergey Yakovlev Ninel Myshkova

白夜 (1960)

7.8

1960 / 苏联 / 剧情 爱情 / Ivan Pyryev / Lyudmila Marchenko Oleg Strizhenov

（第二天早浪厢发微信畀我，追加“延安路瑞金路口瑞金剧场——日里放电影，夜里演越剧为主；还有西海电影院，辣辣新闸路石门二路口，属于三类电影院”）

音乐会

“音乐厅也放电影？”

“放呀。礼拜天还要去听音乐会。”

贝一到贝九，柴可夫斯基，德彪西，里姆斯基，德沃夏克，老多我侪听过。那时候读书在新成中学（外婆也在那里，看来一家都是新成毕业生）——老早那里不叫黄浦区，叫新成区。上半日的课上好，我中浪厢要乘71路（好像是）去音乐厅买周末音乐会票子，再乘回来上课。搿辰光观众席后排灯侪开了亮，照顾迟到格听众，有人就带乐谱去坐了后排，一边听一边读乐谱。我看不懂乐谱，但是就欢喜听听。

高考 - 毕业

“个么，侬哪能会得去外语学院？”

我成绩老好，但62年跟58年一样，招生人数一记头变少。我太老实了，在表格上填小时候得过心包炎，成分又不好。体检的时候要我踏台阶，就是上去下来，再看心跳多少辰光恢复——我恢复弗过来，看到表格高头打仔大皮膏。侬看侬外婆是沪江，其实我成绩肯定考得进大学，运道弗好（不甘的学霸）。

后来就去考夜大学。讲讲夜大学，其实都是白天上课，跟正常大学一样，也叫专修学堂。搿辰光有四只专修学堂——里厢最受欢迎是财经大学，两年毕业就好工作了，当年缺少财会人才；电视大学也老好，算本科；我个外语学院（上外前身）最弗灵（第四所我记漏了 = =）。侬想，外语学院要买字典，多少贵，只有我们这种屋里厢才好负担，所以读到后来老多人侪弗读了，剩下来侪是成分弗灵额。

毕业了要分配，我本来是分到冶金局去做俄文校对。冶金局，就是钢铁厂高头，侬晓得伐？结果上头发觉外语学院成分侪差得来……工作就侪呒没了。最后到市委去问怎么解决工作，阿拉大学生轮流去问，天天去，一个个去，最后就帮阿拉想办法。我是班长，就先解决我，结果就到了外语学院教俄文。

俄文老师

阿拉有个俄文老师，人小样样，到现在还呒没结婚（！）。

伊会先寻来苏联电影剧本，畀阿拉读，读好仔阿拉礼拜天就到中苏友好馆去看搿部电影，印象更加深刻。为啥有剧本？老师有个朋友，弗是男朋友，大概算是男闺蜜（我笑出声），去苏联读书额，讨了个苏联老婆回来，老师就托伊帮忙寻原版剧本。

老师帮阿拉讲，弗要读翻译过去额毛选、鲁迅，要读正宗俄文，比如陀思妥耶夫斯基（！）。就搿句闲话，讲坏脱了，十年就吃了老多苦头，人家拿浆糊侪倒了伊身高头。罪过。其实伊弗是搿意思。

四外婆是四外公在外语学院教书时的学生……hmmmm。

耳朵听着上海话，手上用拼音在手机上打普通话，打出了很多不可名状的东西……

祝四外公长命百岁。

【这篇方言用字处理肥肠粗糙……原谅我】

于9/17收到四外公大段微信敦促我勘误。以上为修正版