广州日记—学习粤语篇
2022.4.1
宜家我对「识食」同埋「食肆」两个词真系好大阴影。
我话「识sik1食sik6」，班广州友仔听成「食sik6屎si2」；我话「食sik6肆si3」，佢啲又听成「食sik6屎si2」。
系，我知，我发音唔标准，我唔啱，但系我都唔想㗎，听成其他词都唔紧要，点解次次都系「食屎」嘅？好似我咁耐都只识得一句「食屎啦你」，咁样都令到我好hurt𠸏啵！
（以上片段请用黄子华语气读，如若不然，你又hurt多我一次啦）
2022.4.3
「靓仔」同埋「僆仔」，我终于分得清楚啦。
「靓leng3仔」、「僆leng1仔」同一个拼音，但系唔同音调，一个系大家都中意听嘅意思，一个就系「衰仔」咁解。
之前睇TVB不嬲都好奇怪：点解啲人都已经恼爆爆嘅啦，仲嗌对方「死靓仔」嘅？
宜家明啦：佢啲嗌紧嘅系「死僆仔」！
真系好好笑。
2022.4.4
「混吉」呢个词好得意，我钟意。
仲有「搞搞振、冇帮衬」亦都好得意，我亦都好钟意。钟意到想着上身。
但系，揾咗一圈，都未揾到咩好睇嘅衫。
真系「老婆担遮」，阴功（公）呀！
————
热搜上学嘅吉祥语，希望有生之年可以派上用场（已经抄低而且背低嘅啦）：
吉时吉日吉如风
丰年丰月如风筝
增福增禄增长寿
寿山寿水寿长生
生财生利生贵子
子孝孙贤代代荣
荣华富贵年年有
有财有势有前程
2022.4.17
「话定」同埋「横掂」嘅读音系咪太似啦！我前几日先分得清楚！
但系点解「反正」嘅粤语系「横掂」哩？有咩典故系咪先？🧐
2022.5.3
系荔湾行，失惊无神行入条路，都系卖家具嘅。
睇到「酸枝」，听个名好似咩好食嘅嘢，但系系呢个moment，佢一定唔系食嘅嘢，我估佢嘅意思系「二手家具」，仲好得意添。
后来一check先知，佢嘅意思系「红木」，真系⋯⋯好彩冇周围同人讲。
不过，「酸枝」个名听起来真系好好食🤤
2022.7.26
「鬼佬凉茶」原来就系啤酒，我仲以为真系凉茶添！
原来「曳」嘅正字写法系「䦵」，学到嘢。
除咗呢两件，无咩新鲜嘢发生。
「系咁嘅啦，人生咪系好多件无聊嘢加埋一件新鲜嘢啰，好出奇呀？」
2022.8.25
原来「旧」唔系可以周围用嘅量词。
一旧（嚿）叉烧 就可以，一旧鸡蛋就唔可以。
之前有位同事话「呢嚿嘢」，我听到，渣渣低记住，佢份人唔中意讲嘢，于是乎就冇问。跟住就不嬲以为「旧」同「个」好似，可以周围用。
后尾先知，当你唔知系咩嘢嘅时候，都可以用「旧」。即系咁两个用法。
BTW，都系怪𠮶个同事，搞到我误会咗咁耐😤我咒佢家阵打赫痴🤧哈哈
