容祖儿过去四年有家归不得学懂独立　靠两样嘢寻回家的味道

容祖儿的《ANOTHER SIDE…JOEY•MY SECRET•LIVE》演唱会昨晚（15日）来到第三晚，亦是第一日开放予公众售票的头场，祖儿愈唱愈勇，状态极佳，现场观众惊叹舞台漂亮机关连连，醉倒于她的唱功之中，现场充讲笑声、掌声、欢呼声，还有求婚声，欢乐无尽！她又坦言这几天已被歌迷炸爆社交媒体的INBOX，不停要点歌，非常疯狂。

祖儿讲到求爱男的小故事后，现场就开始充满求婚声，「嫁俾我！」、「我娶你！」、「 I MISS YOU BABY」，气氛欢乐又热烈。来到点歌时间，祖儿对观众说：「今日见到大家好开心，我觉得今晚每次唱完歌慨掌声，系最多最丰富‥‥‥我完全感受到大家每首歌都听到入咗心‥‥‥俾到我好多力量，唔单止掌声，仲有疯癫呼叫声、疯狂求婚‥‥‥哈哈哈。」

祖儿坦言在过去四年里自己成长了不少，「今次重临旧地，四年再可以系香港同大家去开演唱会，过去三年我相信每个人都经历咗好多，系全世界全宇宙最难捱时间，我呢个典型裙脚女，冇得返屋企真系好难捱，平时我系出面点辛苦点难，几多挑战，我返到屋企就可以充电，但系前几年要一个人喺出面独立生活，工作家务都要一个人处理，唔洗衫冇衫着，洗完唔折张凳就冇位坐，唔吸尘脚就会黑晒‥‥‥我为咗有家慨感觉，连屋企用开只洗衣液都买一样，等我洗完衫觉得似喺屋企，朋友问我：『你唔睇电视你开住个电视做咩？你傻㗎一早起身吸尘。』然后我先知，系喎，我唔睇电视但系我妈睇，喺香港每朝阿妈吸尘机声都系我闹钟‥‥‥冇得返屋企慨我，就系靠呢啲味道、声音支撑住。今日终于可以重新见到大家，做自己最钟意慨事，真系好开心！当日我一个人听住以下呢首歌跑步，自己歌都打动到自己，落咗两滴眼泪，以往一直未有时间同大家分享过呢首歌的感受，今日终于都可以，所以请容许我今日唱唯一一首唔系side track慨冠军歌——《东京人寿》。人生路上，坚持下去，咬实牙关，所有事都会过，多谢大家咁钟意呢首歌，冇上电台冇宣传，旧年一派出嚟就冠军歌。」

此外，祖儿不忘恩师罗文的提携，将《Just for you》重新编曲，当是给老师的礼物，她说：「音乐对我来说非常重要，陪伴我度过好多脆弱时间，细细个好钟意王菲、leon，大家都知，好多流行歌曲俾咗我养份，多谢喺我人生中出现过的音乐上好伙伴，希望日后我可以继续为大家提供好多好多好歌，陪伴你地所有最好时光。」